08.06.2026 | 22:11
Հայաստանի ժողովուրդը քվեարկել է հանուն խաղաղության. ԵԽ նախագահը և Փաշինյանը հեռախոսազրույց են ունեցել
Թուրքիայում Էրդողանի դիմանկարը գետնին շպրտելու և կոտրելու համար քաղաքացու են ձերբակալել
Քաղաքականություն
13.12.2021 | 22:12
Թուրքիայի Զոնգուլդաք նահանգի բնակիչ Ա․Չ․-ին ձերբակալել են՝ երկրի նախագահ ու իշխող «Արդարություն և զարգացում» կուսակցության ղեկավար Ռեջեփ Թայիփ Էրդողանի լուսանկարը գետնին շպրտելու համար, հայտնում են թուրքական լրատվամիջոցները։
Հաղորդվում է, որ դեպքը տեղի ունեցել դեկտեմբերի 10-ին։ Տղամարդը մտել է Զոնգուլդաքի Էրեղլիի քաղաքապետի գրասենյակ, պատից հանել Էրդողանի դիմանկարն ու շպրտել գետնին։ Ականատեսները պատմում են, որ նա նաև հայհոյել է նախագահ Էրդողանին։ Դեպքի վայր են ժամանել ոստիկաններն ու նրան բերման ենթարկել անվտանգության վարչություն։ Համապատասխան գործողություններից հետո գործն ուղարկվել է դատարան։
Նշվում է, որ դատարանը «նախագահին վիրավորելու մեղադրանքով» քաղաքացուն ձերբակալելու որոշում է կայացրել՝ ուղարկելով նույն նահանգի Բեյջումա դատարան։
Երկրի գլխավոր ընդդիմադիր Ժողովրդահանրապետական կուսակցության զեկույցի համաձայն՝ 2014 թվականից ի վեր 38․581 մարդ է ներգրավվել հետաքննություններում՝ նախագահին վիրավորելու համար։ Տարբեր տվյալներով՝ ավելի քան 12․000 մարդ կանգնել է դատարանի առաջ, այդ թվում՝ 318 անչափահաս։
Էմմա Չոբանյան
