Քաղաքականություն
13.12.2021 | 22:25
Առողջապահության համաշխարհային կազմակերպության (ԱՀԿ) փորձագետները եզրակացրել են, որ կորոնավիրուսի նոր մուտացիան՝ «օմիկրոն» շտամը, ավելի արագ է տարածվում, բայց ավելի քիչ վտանգավոր է, քան «դելտա» շտամը։ Միաժամանակ, կազմակերպությունն ընդգծել է, որ դա նախնական տվյալ է, և «օմիկրոն»-ը դեռ պետք է հետազոտության ենթարկվի, հայտնում է NDTV-ն։
Բացի այդ, ԱՀԿ-ն ընդգծել է, որ «օմիկրոն»-ն ավելի արագ է տարածվում, քան «դելտա»-ն։ Այն նաև «կարող է նվազեցնել COVID-19-ի դեմ արդեն մշակված պատվաստանյութերի արդյունավետությունը»։
«Այնուամենայնիվ, «օմիկրոն»-ն այնքան էլ վտանգավոր չէ, որքան «դելտա»-ն»,- հայտնում են կազմակերպությունից:
ԱՀԿ-ն այս եզրակացությունը հիմնում է «ներկա պահին առկա սահմանափակ տեղեկատվության վրա»:
Կազմակերպությունից հայտնել են, որ «օմիկրոն» շտամը հայտնաբերվել է 63 երկրներում: Դրանց թվում են ԱՄՆ-ը, Ռուսաստանը, Թուրքիան, Բելգիան, Նիդերլանդները, Մեծ Բրիտանիան, Իսրայելը և Գերմանիան։
Հիշեցնենք՝ «օմիկրոն» շտամն առաջին անգամ հայտնաբերվել է նոյեմբերի վերջին Հարավային Աֆրիկայում և Բոտսվանայում:
Տաթև Ֆռանգյան
