16.09.2026 | 22:12
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Արևմուտքը «գրոհայիններին» տեղափոխում է Ուկրաինա հրահանգիչների անվան տակ․ ՌԴ ԱԳՆ
12.12.2021 | 21:45
Արևմտյան երկրները շարունակում են Ուկրաինայի ռազմականացումը՝ այնտեղ ուղարկելով զենք ու զինյալներ, «ՌԻԱ Նովոստի»-ի փոխանցմամբ՝ հայտարարել է ԱԳՆ պաշտոնական ներկայացուցիչ Մարիա Զախարովան «Ղրիմ 24» հեռուստաալիքի եթերում:
«Ուկրաինան սպառազինություններ է կուտակում. խոսքը ուղիղ մատակարարումների մասին է, խոսքը վերաբերում է ապագային վերաբերող պայմանագրերին, ընդ որում, ինչպես տեսնում եք, դրանք բազմամիլիոնանոց, միլիարդանոց պայմանագրեր են։ Խոսքը հրահանգիչների անվան տակ պարզապես զինյալներ տեղափոխելու մասին է»,- պարզաբանել է նա։
Ինչպես հայտնել է ԱՄՆ պաշտպանության նախարար Լլոյդ Օսթինը, Վաշինգտոնը 2014 թվականից ուկրաինական բանակին աջակցելու համար տրամադրել է ավելի քան 2,5 մլրդ դոլար:
Այս շաբաթ, Պենտագոնի ներկայացուցիչ Ջոն Քիրբիի տեղեկատվության համաձայն՝ Կիևը պետք է ԱՄՆ-ից ստանար հրաձգային զենք և զինամթերք, որը վերջին խմբաքանակն է 60 մլն դոլարի մատակարարումներից, որոնք հաստատել է նախագահ Ջո Բայդենը: 2022 թվականի ամերիկյան պաշտպանական բյուջեի նախագծում 300 մլն դոլար են ներառել Ուկրաինային ռազմական օգնություն ցուցաբերելու համար ։
Բացի այդ, դեկտեմբերի 2-ին ԵՄ խորհուրդը 31 մլն եվրո է հատկացրել Ուկրաինսյի ռազմաօդային ուժերին։
