16.01.2025 | 23:02
Հասել ենք հարաբերությունների նոր մակարդակի․ Զելենսկին՝ Սթարմերի այցի մասին
Նոյեմբերի ընթացքում «օմիկրոն» շտամը դարձել է գերիշխող Հարավաֆրիկյան Հանրապետությունում
Քաղաքականություն
10.12.2021 | 23:05
Հարավաֆրիկյան Հանրապետությունում նոյեմբերի ընթացքում կորոնավիրուսի նոր՝ «օմիկրոն» շտամը դարձել է գերիշխող։ Այս մասին դեկտեմբերի 10-ին կայացած ճեպազրույցի ժամանակ հայտարարել է Հարավաֆրիկյան Հանրապետության առողջապահության նախարար Ջո Պաախլան, գրում է EADaily-ն։
«Գենետիկական թեստերը ցույց են տալիս, որ «oմիկրոն» շտամը դարձել է կորոնավիրուսի գերիշխող տարբերակն արդեն նոյեմբերին։ Ընդ որում, կորոնավիրուսի գրանցված բոլոր դեպքերի մինչև 70%-ը բաժին է ընկել «օմիկրոնին»։ «Օմիկրոն» շտամը արագ փոխարինում է «դելտա» շտամին»,- հայտարարել է ՀԱՀ ԱՆ ղեկավարը։
Նա հավելել է, որ «օմիկրոն» շտամով վարակված մեկ մարդ զգալիորեն ավելի շատ մարդկանց է վարակում դրանով, քան դա եղել է կորոնավիրուսի նախորդ շտամերի դեպքում։
Տաթև Ֆռանգյան
