05.08.2026 | 21:40
Երևանում և 3 մարզի մի շարք հասցեներում գազանջատումներ կլինեն
Արմեն Չարչյանն ազատ կարձակվի՞. նրա գործով արտահերթ նիստ է նշանակվել
Հասարակություն
10.12.2021 | 11:38
«Հայաստան» դաշինքի անդամ, «Իզմիրլյան» բժշկական կենտրոնի տնօրեն Արմեն Չարչյանի գործով արտահերթ նիստ է նշանակվել։ Ինչպես տեղեկացնում է պաշտպան Էրիկ Ալեքսանյանը՝ Առաջին ատյանի դատարանի դատավոր Վահե Միսակյանը, հիմք ընդունելով Սահմանադրական դատարանի որոշումը, արտահերթ դատական նիստ է նշանակել այսօր, ժամը՝ 14:00-ին:
Հիշեցնենք՝ երեկ ՍԴ-ն հրապարակեց պատգամավորական անձեռնմխելիության մասով կայացրած որոշումը, ըստ որի՝ անազատության մեջ գտնվող պատգամավորի կարգավիճակ չունեցող անձը պատգամավորի կարգավիճակ ձեռք բերելու պահից, բացառությամբ Սահմանադրության 96-րդ հոդվածի 2-րդ մասով նախատեսված դեպքերի, չի կարող պահվել անազատության մեջ։
Սա, ըստ «Հայաստան» դաշինքի ներկայացուցիչների, նշանակում է, որ կալանքի տակ գտնվող ԱԺ պատգամավոր ընտրված անձինք պետք է ազատ արձակվեն։
