22.08.2026 | 20:32
ԵԱ. Արթուր Դավթյանը մեդալ չնվաճեց
ՌԴ ԱԳ փոխնախարարը չի բացառել, որ «Կարիբյան ճգնաժամը կարող է կրկնվել»
Քաղաքականություն
09.12.2021 | 21:48
Ռուսաստանը չի բացառում, որ «Կարիբյան ճգնաժամը» կարող է կրկնվել։ Այս մասին հայտարարել է ԱԳ փոխնախարար Սերգեյ Ռյաբկովը, գրում է ՌԻԱ Նովոստին։
«Դրան կարող է հասնել։ Եթե մյուս կողմից ընկերները չհասկանան և ամեն ինչ շարունակվի այնպես, ինչպես ընթանում է, մենք կարող ենք իրադարձությունների զարգացման տրամաբանությամբ հանկարծ արթնանալ ու տեսնել նման բան։ Դա կլինի դիվանագիտության ձախողում, սակայն դեռ ժամանակ կա՝ փորձելու պայմանավորվել առողջ հիմքի վրա»,- ասել է նա լրագրողների հետ զրույցում։
Ռուսաստանցի դիվանագետի խոսքով՝ իրավիճակը սրվել է ՌԴ սահմանների մոտ ռազմական ակտիվության կանխման պարտավորության խախտման պատճառով։ Նա նշել է, որ պետք լինեն իրավականորեն ձևակերպված երաշխիքներ։
«Մեզ՝ Ռուսաստանին անհրաժեշտ են իրավական երաշխիքներ մեր անվտանգության, անվտանգության՝ գլոբալ համատեքստում, ոչ թե կոնկրետ հատվածում, այլ ելնելով նրանից, որ մեզ համար իրավիճակն իսկապես վատթարացել է»,- ասել է Ռյաբկովը։
Նա նշել է, որ Մոսկվան ոչ ոքի չի սպառնում, այլ զգուշացնում է Արևմուտքին ոչ բարեկամական քայլերի հետևանքների մասին։
Էմմա Չոբանյան
