Այգեկ համայնքի ղեկավարի գործը դատարանում է․ նա մեղադրվում է հողազավթումը և ապօրինի շինությունների կառուցումը չկանխելու մեջ  

22 տարի Արմավիրի մարզի Այգեկ համայնքի ղեկավարի պաշտոնը զբաղեցնող Վարուժան Աբրահամյանին առնչվող քրեական գործը դատարանում է։ Այն մակագրվել է Արմավիրի մարզի ընդհանուր իրավասության դատարանի դատավոր Ադրինե Ղուկասյանին։ Այս մասին Factor.am-ը տեղեկացավ «Դատալեքս» դատական տեղեկատվական համակարգից։

Վարուժան Շիղանի Աբրահամյանին մեղադրանք է առաջադրվել այն բանի համար, որ նա 1999 թվականից հանդիսանալով պաշտոնատար անձ, տեղյակ լինելով, որ իր համայնքում քաղաքացի Էդիկ Բաղդասարյանը սեփականության իրավունքով իրեն պատկանող 0,29 հա     երաբերյալ փաստաթղթերի առկայության, ինքնակամ պարսպապատել և կառուցել են համապատասխանաբար 150 քմ ու 188,76 քմ մակերեսներով շինություններ` բնակելի տներ, դիտավորությամբ չի կիրառել «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասի պահանջները` ապօրինի շինարարություն իրականացնողներին վարչական պատասխանատվության ենթարկելու համար:

Աբրահամյանը տեղյակ է եղել նաև իր համագյուղացի Նելլի Մովսիսյանի սեփականությունը հանդիսացող 0,66 հա մակերեսով, գյուղատնտեսական նպատակային նշանակության կորիզավոր գործառնական նշանակության հողամասի, 0,71 հա մակերեսով գյուղատնտեսական նպատակային նշանակության վարելահող գործառնական նշանակության հողամասի և համայնքի սեփականությունը հանդիսացող դաշտամիջյան ճանապարհի վրա առանց որևիցե օրինական և նպատակային նշանակության փոփոխության վերաբերյալ փաստաթղթերի առկայության՝ ինքնակամ 1907,5 քմ մակերեսով տարածքի պարսպապատման համար։

Վարուժան Աբրահամյանին մեղադրանք է առաջադրվել Քրեական օրենսգրքի 315² հոդվածով՝ պետական կամ համայնքային uեփականություն հանդիսացող հողամաuերի ինքնակամ զավթումը, ինչպես նաև շենքերի և շինությունների ինքնակամ կառուցումը կասեցնելու, կանխարգելելու ուղղությամբ օրենքով սահմանված կարգով միջոցներ չձեռնարկելը։ Նրա նկատմամբ որպես խափանման միջոց կիրառվել է ստորագրություն՝ չհեռանալու մասին։

Ռոզա Վարդանյան