01.03.2026 | 01:10
Իրանը հերքում է այաթոլլա Ալի Խամենեիի սպանության մասին լուրերը
Ամբողջ աշխարհում բանտերում գտնվող լրագրողների թիվը հասել է նոր առավելագույնի. զեկույց
Քաղաքականություն
09.12.2021 | 18:43
Ամբողջ աշխարհում բանտերում գտնվող լրագրողների թիվը հասել է նոր առավելագույնի։ Ըստ Լրագրողների պաշտպանության կոմիտեի (CPJ) հրապարակած տվյաների՝ ներկայում ճաղերի հետևում կա 293 մեդիա ոլորտի մասնագետ՝ կապված մասնագիտական գործունեության հետ, որոնցից մոտ մեկ քառորդը Չինաստանում և Մյանմարում է: Անցյալ տարի կազմակերպությունը հաշվել է 280 բանտարկված լրագրողի, գրում է DW-ի ռուսական ծառայությունը։
CPJ-ն վեցերորդ տարին անընդմեջ ռեկորդային թվով բանտարկված լրագրողների է գրանցել ամբողջ աշխարհում, ասել է կազմակերպության ղեկավար Ջոել Սայմոնը՝ հրապարակումների համար լրատվամիջոցների աշխատակիցների բանտարկությունն անվանելով «ավտորիտար ռեժիմներին բնորոշ հատկանիշ»։
CPJ-ի գնահատմամբ՝ ներկայում Չինաստանի բանտերում 50 լրագրողներ կան։ Երկրորդ տեղում Մյանմարն է (26), որին հաջորդում են Եգիպտոսը (25), Վիետնամը (23) և Բելառուսը (19): Ռուսաստանը Սաուդյան Արաբիայի հետ կիսում է ութերորդ տեղը․ այս երկրներից յուրաքանչյուրում բանտարկված է 14 լրագրող։
Լրագրողների պաշտպանության կոմիտեի զեկույցում ընդգծվում է, որ Թուրքիայի, Էրիթրեայի, Ռուսաստանի, Սաուդյան Արաբիայի և Իրանի ղեկավարները «պարբերաբար օգտագործում են տեխնոլոգիական և անվտանգության օրենքները՝ այլախոհությունը ճնշելու համար և շարունակում են հակադրվել միջազգային նորմերին՝ առանց որևէ հետևանքի»:
Տաթև Ֆռանգյան
