22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Թուրքիան փորձում է ավարտին հասցնել ԻԼԻՊ-ի սկսած եզդիների ցեղասպանությունը․ Ժողովուրդների դեմոկրատական կուսակցություն
Քաղաքականություն
08.12.2021 | 23:31
Թուրքիայի Ժողովուրդների դեմոկրատական կուսակցությունը դատապարտել է իրաքյան եզդի զինյալների հրամանատարի սպանությունը, հայտնում է քրդական Rudaw լրատվական գործակալությունը։
Թվիթերում հրապարակված կուսակցության հայտարարության մեջ ասվում է. «Մենք խստորեն դատապարտում ենք Շինգալի Դեմոկրատական Ինքնավար վարչակազմի համանախագահ Մերվան Բեդելի սպանությունը և հարցնում ենք՝ ինչպե՞ս է Թուրքիայի կառավարությունը բացատրում Շինգալում եզդի խաղաղ բնակիչների ռմբակոծումը։ Մենք տեսնում ենք Թուրքիայի կողմից եզդիներին ցեղասպանության ենթարկելու փորձեր, որոնք սկսվել են ԻԼԻՊ-ի կողմից»:
Շինգալի դիմադրության ուժերի հրամանատար Մարվան Բադալ Հաջին սպանվել է դեկտեմբերի 7-ին, երբ թուրքական օդուժը Հյուսիսային Իրաքի Շինգալ շրջանի Խանասոր քաղաքում հարվածել է նրա մեքենային։ Մարուան Բադալի սպանությունը զայրույթ է առաջացրել եզդիների շրջանում։
Հիշեցնենք, որ թուրքական իշխանությունները Շինգալի դիմադրության ուժերը համարում են Թուրքիայում ահաբեկչական ճանաչված Քրդական աշխատավորական կուսակցության ճյուղ։
Տաթև Ֆռանգյան
