09.06.2026 | 00:17
Մարկո Ռուբիոն շնորհավորել է Փաշինյանին
Հնդկաստանում ռազմական ուղղաթիռ է կործանվել․ 12 զոհերի թվում է ԶՈւ պաշտպանության շտաբի պետը
Քաղաքականություն
08.12.2021 | 17:51
Հնդկաստանի Պաշտպանության նախարարության պաշտպանության շտաբի պետ Բիպին Ռավիտը եղել է այսօր կործանված ուղղաթիռի մեջ։ Նա զոհվել է։ Այս մասին Twitter-ում հայտնել է Հնդկաստանի Զինված ուժերի մամուլի ծառայությունը։
«Խորը ափսոսանքով հայտնում ենք, որ պարզվել է՝ վթարի հետևանքով զոհվել են գեներալ Բիպին Ռավատը, Մադհուլիկա Ռավաթը (գեներալ Ռավաթի կինը) և 11 այլ անձինք, որոնք գտնվել են ուղղաթիռում»,- ասվում է հաղորդագրության մեջ։
Հնդկաստանի ռազմաօդային ուժերի ռազմական ուղղաթիռի վթարը, որում եղել է նաև Հնդկաստանի զինված ուժերի պաշտպանության շտաբի պետ, գեներալ Բիպին Ռավաթը, կարող էր տեղի ունենալ վատ տեսանելիության պատճառով։ Այս մասին հայտնել է Times of India-ն՝ վկայակոչելով ռազմական աղբյուրները։
«Վթարը կարող էր տեղի ունենալ թանձր մառախուղից հետո վատ տեսանելիության պատճառով»,- աղբյուրների կարծիքն է մեջբերում պարբերականը։
Տաթև Ֆռանգյան
