14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Ադրբեջանն ու Իրանը երկու երկրների սահմանին նոր կամուրջ են կառուցում
Քաղաքականություն
08.12.2021 | 13:40
Իրանն ու Ադրբեջանը պայմանավորվել են երկու երկրների սահմանին նոր կամուրջ կառուցելու շուրջ։ Իրանական IRNA-ի հաղորդմամբ՝ Իրանի ճանապարհների և գյուղական զարգացման ու Ադրբեջանի ճանապարհների նախարարության պաշտոնյաներն այցելել են Աստարա Չայ սահմանային գետի վրայով երկու երկրները միացնող ճանապարհի շինհրապարակ։
Նշվում է, որ կամուրջի նպատակն է՝ դյուրացնել միջազգային երթևեկությունը երկու երկրների միջև ու դրանից դուրս։
Ադրբեջանական լրատվամիջոցների հաղորդմամբ էլ՝ Իրանի ճանապարհների և քաղաքաշինության փոխնախարար, երկրի տրանսպորտային ենթակառուցվածքների և զարգացման ընկերության գլխավոր տնօրեն Հեյրուլա Խադեմին ասել է, որ 4 գոտի ունեցող կամուրջը 97 մետր երկարություն և 32 մետր լայնություն կունենա։ Իրանցի պաշտոնյան նաև ասել է, որ հանդիպմանը քննարկվել են Աստարայի երկաթուղային բեռների տերմինալի խնդիրները, որոշում է կայացվել տերմինալի հետագա բարելավման ուղղությամբ։
Էմմա Չոբանյան
