24.04.2026 | 23:32
Կապանում ջրանջատում կլինի
ԱՄՆ-ի կառավարությունն առաջին անգամ հրապարակել է իր հակակոռուպցիոն ռազմավարությունը
Քաղաքականություն
07.12.2021 | 22:52
ԱՄՆ նախագահի հանձնարարությամբ, Բայդեն-Հարիսի վարչակազմը հրապարակել է Միացյալ Նահանգների պատմության մեջ առաջին անգամ կոռուպցիայի դեմ պայքարի ռազմավարություն, գրում է Ամերիկայի ձայնը:
Այն նախանշում է կոռուպցիայի դեմ պայքարին ուղղված ամբողջ կառավարության մոտեցումը՝ առանձնահատուկ ուշադրություն դարձնելով դրա միջազգային չափերի ավելի խորն ընկալմանը և արձագանքին: Դրա թվում է կոռումպացված դերակատարների հնարավորությունների սահմանափակումը՝ ԱՄՆ և միջազգային ֆինանսական համակարգեր օգտագործելու, ակտիվները թաքցնելու և կոռուպցիոն գործունեության արդյունքում ստացված եկամուտները լվանալու համատեքստում:
Գիտակցելով այն վնասը, որ կոռուպցիան հասցնում է ժողովրդավարությանը՝ 2021 թվականի հունիսի 3-ին նախագահ Բայդենը ԱՄՆ ազգային անվտանգության շահի հիմքում դրեց կոռուպցիայի դեմ պայքարը : Համապատասխանաբար, նա հանձնարարեց իր ազգային անվտանգության թիմին պատրաստել համապարփակ ռազմավարություն, որը միտված է բարելավելու ԱՄՆ կառավարության կարողությունը՝ կանխել կոռուպցիան, ավելի արդյունավետ պայքարել ապօրինի ֆինանսավորման դեմ, ավելի դյուրին դարձնել կոռումպացված դերակատարների պատասխանատվության ենթարկելը և ուժեղացնել ակտիվիստների և հետաքննող լրագրողների կարողությունը հակակոռուպցիոն պայքարում:
Ամբողջական ռազմավարությունը կարող եք կարդալ այստեղ:
