17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ցավում եմ․ Տիգրան Աբրահամյանը չդիմացավ այդ ճնշմանը․ Աղաջանյան․ ՏԵՍԱՆՅՈՒԹ
Քաղաքականություն
07.12.2021 | 17:31
ԱԺ-ում պատգամավորների հայտարարությունների ժամին «Քաղաքացիական պայմանագիր» խմբակցության պատգամավոր Էդուարդ Աղաջանյանը, անդրադառնալով «Պատիվ ունեմ» խմբակցության պատգամավոր Տիգրան Աբրահամյանի ելույթին, ասաց. «Պարոն Աբրահամյանը այն ընդդիմադիր պատգամավորնեից է, ով որոշակի փաստական տվյալների հիման վրա է ելույթներ ունենում և հաճախ նրա ելույթները կառուցողական էլեմենտներ են պարունակում: Սակայն այսօրվա ելույթը եթե մեկ բառով կարելի լինի բնութագրել, դա կլինի սուտ, երկու բառով՝ սուտ և սուտ, և նույնիսկ երեք բառով՝ սուտ, սուտ և սուտ, և 0 հիմնավորվածություն ունեցող, պաթետիկ, ծեծված, տարիներ շարունակ ընդդիմադիրների հիմնազուրկ թեզերի արծարծում այս ամբիոնից»:
«Ես ցավում եմ, որ պարոն Աբրահամյանը իջեցրեց այն սանդղակը, որ սահմանել էր ինքն իր համար հավանաբար, բայց պետք է արձանագրենք, որ մեր այսօրվա ընդդիմադիր պատգամավորները չունեն այն ինքնուրույնությունը, որպեսզի իրենք ձևավորեն իրենց քաղաքական օրակարգը, ցավոք հավանաբար ստանում են հստակ պատվերներ՝ տեքստերի տեսքով: Ցավում եմ, որ պարոն Աբրահամյանն էլ փաստորեն չդիմացավ այդ ճնշմանը»,- հավելեց Էդուարդ Աղաջանյանը:
Մանրամասները՝ տեսանյութում:
