22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
2019-ի հունիսի առաջարկների մեջ նորություն չի եղել․ հայտնի կարգավորման տարբերակն էր՝ փուլային․ Եղոյան․ ՏԵՍԱՆՅՈՒԹ
Քաղաքականություն
07.12.2021 | 12:54
ԱԺ նիստում «Հայաստան» խմբակցության պատգամավոր Ագնեսա Խամոյանը, դիմելով ԱԺ նախագահ Ալեն Սիմոնյանին, նշեց, որ ռուսական կողմի հայտարարության մեջ նշվում է, որ Արցախի հարցի կարգավորման վերջին առաջարկությունը խմբագրված տարբերակով կողմերին ներկայացվել է 2019 թվականի ամռանը, այնինչ ՀՀ իշխանությունները հերքում էին ՌԴ ԱԳ նախարար Լավրովին, ով ասում էր, որ բանակցային սեղանին փուլային տարբերակն է։
Ալեն Սիմոնյանը հարցին չպատասխանեց, փոխարենն արձագանքեց ՔՊ խմբակցության պատգամավոր Արման Եղոյանը։
«Վարչապետը ճիշտ է ասել, որ 2019 թվականի հունիսին որևէ փոփոխություն չի եղել բանակցային պրոցեսում, որովհետև 2019-ի հունիսի առաջարկների մեջ որևէ նորություն չի եղել։ Հայտնի կարգավորման տարբերակն է, որի մասին ՌԴ նախագահն էլ, արտգործնախարարն էլ խոսել են։ Փուլային՝ սկզբից հինգ, հետո երկու շրջանը վերադարձնելը՝ առանց Լեռնային Ղարաբաղի կարգավիճակի վերջնական հստակեցման, չգիտե՞ք։ Հիմա մտածում եք՝ ինչ սկանդալային բան կասեմ, որ ասեք՝ դուք լարում եք հայ-ռուսական հարաբերությունները։ Սկանդալային բան չեմ ասի, ուղղակի կրկնում եմ շատ հանրահայտ բաներ։ Դա նաև հրապարակել է Մինսկի խմբի ռուսական համանախագահողը։ Կարող ենք դա կոչել արդեն հայտնի կարգավորման ռուսական տարբերակը, հենց իրենք են այդպես կոչում, ՌԴ նախագահն է այդ մասին խոսել, որ ռուսական առաջարկներ են, որն ընդունվել են ԱՄՆ և Ֆրանսիայի կողմից։ Բառացի մեջբերեմ՝ 7 շրջանների վերադարձ՝ կարգավիճակի հարցի հստակեցման հետաձգմամբ։ Սա է եղել»։
Մանրամասները՝ տեսանյութում:
