20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ինչո՞ւ էիք հասարակությունից թաքցնում բանակցային գործընթացը շուրջ 3 տարի․ Խամոյանը՝ Սիմոնյանին․ ՏԵՍԱՆՅՈՒԹ
Քաղաքականություն
07.12.2021 | 12:52
«Ռուս լրագրողների հետ հանդիպմանը մի դիտարկում արեցիք՝ ասելով, որ Հայաստանում կա տարածված կարծիք, որ Ռուսաստանն է Արցախը հանձնել Ադրբեջանին: Ինձ հետաքրքիր է՝ դուք կիսո՞ւմ եք այդ կարծիքը»,- դիմելով ԱԺ նախագահ Ալեն Սիմոնյանին՝ հարցրեց «Հայաստան» խմբակցության պատգամավոր Ագնեսա Խամոյանը և հիշեցրեց, որ այդ հարցազրույցից հետո ՌԴ ԱԳՆ-ն Ալեն Սիմոնյանին մեղադրեց երևակայությանը զարկ տալու մեջ:
Խամոյանը նաև խնդրեց պարզաբանել, թե Ալեն Սիմոնյանը ի՞նչ է ակնարկել «Լավրովյան պլան» ասելով՝ բերելով ՌԴ ԱԳՆ հայտարարության այն դրույթը, ըստ որի՝ ՌԴ-ն բանակցային մանրամասներ էր ներկայացրել, որ վերջին փաթեթը խմբագրված տարբերակով կողմերին էր ներիկայացվել 2019 թվականի ամռանը:
«Կարծում եմ, որ ամեն ինչ ասված է և յուրաքանչյուր քաղաքացի, որը տիրապետում է ռուսաց լեզվին, շատ լավ հասկանում է, թե ես ինչ եմ ասել, ես որևիցե նոր բան չեմ ասել, և ավելացնելու բան չունեմ»,- պատասխանեց Սիմոնյանը և խնդրեց հարցեր տալուց անձնական գնահատականը իջեցնել և հարցն ավելի բովանդակային կլինի, եթե իր անձնական կիսածաղրական գնահատականները քիչ դրվի հարցի մեջ:
«Ձեր դաստիարակչական դիտարկումների մասով ուզում եմ հիշեցնել, որ դուք եք ԱԺ նախագահը, և դուք եք Ռուսաստանում սկանդալային հայտարարություններ արել և մեր ռազմավարական դաշնակցին մեղադրանքներ հնչեցրել»,- արձագանքեց Խամոյանը և կրկնեց հարցը, թե ի՞նչ բանակցային նրբությունների է տիրապետում Աժ նախագահը, քանի որ ՌԴ ԱԳՆ հայտարարության մեջ հստակ ասվում է, որ վերջին խմբագրված տարբերակը ներկայացվել է 2019թ.-ին, և Ալեն Սիմոնյանը և իր ղեկավարը հայտարարում էին, թե բանակցային գործընթացում որևէ նորություն չկա և հերքում էին Սերգեյ Լավրովի հայտարարությունն այն մասին, որ սեղանին լուծման փուլային տարբերակն է:
«Հայտարարությունը սկանդալային է միգուցե ձեզ համար, բայց հայկական հանրության համար որևիցե սկանդալային բան չկա, այդտեղ և որևիցե նոր բան չկա, խորհուրդ կտամ ռուսաց լեզվի լավ մասնագետի հետ այդ տեսանյութը նորից դիտեք և հաջորդ նիստին բարձրացրեք այդ հարցը»,-պատասխանեց Սիմոնյանը:
Մանրամասները՝ տեսանյութում:
