30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Թորոսյանը ստիպեց բացել «Պանդորայի արկղը». Թագուհի Թովմասյան․ ՏԵՍԱՆՅՈՒԹ
Քաղաքականություն
07.12.2021 | 12:28
«Ես չէի ուզում Պանդորայի արկղը բացել, բայց առողջապահության նախկին նախարար Արսեն Թորոսյանը ստիպեց խոսել նախարար եղած տարիներին իր թույլ տված ստերի մասին»,- ԱԺ իր ելույթում հայտնեց «Պատիվ ունեմ» խմբակցության պատգամավոր Թագուհի Թովմասյանը՝ հավելելով, որ հիշել է Թորոսյանի երկու սուտ:
Պատգամավորը նշեց, որ կորոնավիրուսի պիկի ժամանակ նախարար Արսեն Թորոսյանը լրագրողներին հեգնում էր, թե ինքը վարակված է կորոնավիրուսով և բոլորին վարակելու է:
«Նա հայտարարում էր, որ կորոնավիրուսն այդքան վտանգավոր վիրուս չէ, և դրա արդյունքում մենք այսօր ունենք 7669 մահ»,- նշեց պատգամավորը՝ հավելելով, որ այս վիճակագրական տվյալները Արսեն Թորոսյանի պաշտոնավարման ժամանակ մեծագույն սխալներով են հավաքվել:
Թովմասյանը փաստեց, որ Վիճակագրական կոմիտեի և Առղջապահության նախարարության տված մահվան վիճակագրական տվյալներն իրար հակասում են, քանի որ առողջապահության նախարարությունը 700 քաղաքացու մահ չի գրանցել, և հրապարակած մահվան դեպքերի տարբերության մասով արդեն դատախազությունն ուսումնասիրություն է անում:
«Պետք է հասկանանք, թե Արսեն Թորոսյանի ստերն իրավական առումով ինչ հետևանք են ունենալու»,- նշեց Թագուհի Թովմասյանը:
Մանրամասները՝ տեսանյութում:
