Քաղաքականություն
06.12.2021 | 21:51
ՌԴ-ի և ԱՄՆ-ի նախագահներ Վլադիմիր Պուտինի և Ջո Բայդենի բանակցություններից դժվար է բեկումներ ակնկալել, երկրների հարաբերություններում կան հսկայական «ավգյան ախոռներ», պետք է հուսալ, որ առաջնորդներին կհաջողվի միմյանց հասցնել այն մտահոգությունները, որոնք անհանգստացնում են։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
Պուտինի ու Բայդենը բանակցություննեըը տեսակոնֆերանսի ձևաչափով տեղի են ունենալու վաղը։ Կողմերը քննարկելու են թեմաների լայն շրջանակ՝ երկկողմ հարաբերություններից մինչև միջազգային խնդիրներ։
«Դժվար է բանակցություններից բեկում սպասել։ Մենք ունենք այնպիսի մեծ «ավգյան ախոռներ» երկկողմ հարաբերություններում, որ դրանք մաքրելը մի քանի ժամվա զրույցում դժվար թե հնարավոր լինի։ Դրա համար եկեք գոնե հուսանք, որ առաջնորդներին կհաջողվի միմյանց փոխանցել մտահոգությունները, հստակորեն ձևակերպել անհանգստություններն ու պատասխանել դրանց»,- ասել է Պեսկովը ռուսական «Առաջին ալիքի» եթերում։
Էմմա Չոբանյան
