16.01.2025 | 12:09
ԵՄ երկրները հետաքրքրված են Հայաստանով. ՀՀ-ում ԵՄ պատվիրակության ղեկավարի տեղակալ․ ՏԵՍԱՆՅՈՒԹ
Էրդողանի ճեպազրույցի մի շարք հարցեր նախապես փոխանցվել են լրագրողներին. լրատվամիջոցներ
Քաղաքականություն
06.12.2021 | 23:30
Թուրքայի նախագահ Ռեջեփ Թայիփ Էրդողանի այսօրվա ճեպազրույցի համար հարցերը նախօրոք փոխանցվել են լրագրողներին, գրում է Duvar-ը՝ վկայակոչելով Yenicag պարբերականին։
Ճեպազրույցից առաջ պարբերականը հրապարակել է հարցերն ու լրագրողների անունները։ Լրագրողները հենց լրատվամիջոցի հրապարակած հարցերն էլ ուղղել են Էրդողանին։
Հարցերը ստացած լրագրողներից են պետական «Անադոլու» գործակալության թղթակից Քաան Բոզդողանը, Demiroren News Agency-ից Գյուլսեն Քենարլըն, իշխանամետ A Haber-ից Ասլի Բիլգեր Քութլուդաղը, CNN Turk-ից Մուջահիթ Թոփչուն։
Ճեպազրույցի ժամանակ, սակայն, Էրդողանը Քութլուդաղին ասել է, թե իր հարցով լրագրողը, իբր, իրեն «անկյունն է գցում»։
Մյուս լրատվամիջոցների հարցերն առնչվել են «Թալիբան»-ին, Քուրդիստանի աշխատավորական կուսակցությանը, շուկայում գների բարձրացմանն ու նվազագույն աշխատավարձին։
Էմմա Չոբանյան
