22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ադրբեջանը կարող է անօդաչուներով հագեցած դեսանտային նավ գնել Թուրքիայից
Քաղաքականություն
06.12.2021 | 17:07
Ադրբեջանը հետաքրքվում է թուրքական ուսումնամարզական Hurkush ինքնաթիռների և TCG Anadolu դեսանտային նավերի նկատմամբ։ Այս մասին հայտարարել է Թուրքիայի ռազմարդյունաբերության վարչության ղեկավար Իսմայիլ Դեմիրը, գրում է Milliyet-ը։
«Մենք նախատեսում ենք TCG Anadolu դեսանտային նավը շահագործման հանձնել 2022 թվականին։ Իրագործման փուլում է նաև այդ նավի վրա անօդաչու թռչող սարքի տեղակայման նախագիծը։ Ադրբեջանը ևս հետաքրքված է այդ նախագծով։ Առաջիկայում մենք առաջընթաց ենք ակնկալում այդ ուղղությամբ»,- ասել է նա։
Նշենք, որ օրերս Բաքվում տեղի էր ունեցել Hürkuş ինքնաթիռի փորձարկումը՝ Ադրբեջանի ռազմաօդային ուժերի հրամանատար, գեներալ-լեյտենանտ Ռամիզ Թահիրովի և Բաքվում Թուրքիայի դեսպան Ջավիդ Բահչիի մասնակցությամբ։
Էմմա Չոբանյան
