17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Ստամբուլի հայկական եկեղեցու պարսպին պարած երեք երիտասարդներին սպառնում է 1 տարվա ազատազրկում
Քաղաքականություն
06.12.2021 | 14:17
Ստամբուլի Քադըքյոյ վարչական շրջանում գտնվող հայկական Սուրբ Թագավոր եկեղեցու պարսպի վրա 2021 թվականի հուլիսին պարած երեք երիտասարդների նկատմամբ քրեական գործ է հարուցվել, գրում է Bianet-ը։
Ստամբուլի գլխավոր դատախազության հրապարակած մեղադրական եզրակացության համաձայն՝ ամբաստանյալներ Յ․Օզանջանին, Յունուս Էմրե Ու․-ին և Օմեր Ֆարուք Ա․-ին սպառնում է մեկ տարվա ազատազրկում՝ «հասարակության մի հատվածի կրոնական արժեքները հանրային կերպով նվաստացենլու համար»։
Մեղադրական եզրակացության մեջ նաև նշվում է, որ ամբաստանյալները դեպքի օրը մեքենայով եղել են եկեղեցու դիմաց։ Յ․Օզանջանը մեքենայով երաժշտություն է միացրել, մյուս երկուսը բարձրացրել են եկեղեցու մուտքի դարպասին, որտեղ խաչ է տեղադրված, և սկսել պարել։
Նշվում է նաև, որ այս արարքը սոցցանցերում քաղաքացիների քննադատությունն է առաջացրել։ Ըստ մեղադրական եզրակացության՝ ամբաստանյալները ցուցմունքներում ընդունել են իրենց մեղքը՝ նշելով, որ հանցավոր մտադրությամբ չեն գործել։
Նշվում է նաև, որ ամբաստանյալների գործողությունները հաստատվել են ականատեսների վկայություններով ու տեսախցիկների ձայնագրություններով։ Ասվում է, որ եկեղեցու պատին բարձրանալն ու հրապարակավ պարելը «նվաստացրել է հասարակության մի հատվածի կողմից ընդունված կրոնական արժեքները և խախտել հանրային խաղաղությունը»։
Մեղադրյալները Ստամբուլի Անադոլու 27-րդ առաջին ատյանի քրեական դատարանի առաջ են կանգնելու առաջիկա օրերին։
Էմմա Չոբանյան
