19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Թուրքական լիրան կրկին արժեզրկվել է՝ մոտենալով պատմական նվազագույնին
Քաղաքականություն
06.12.2021 | 16:52
Երկուշաբթի դոլարի նկատմամբ թուրքական լիրայի փոխարժեքը չափավոր նվազել է՝ մոտենալով պատմական նվազագույնին: Այս մասին են վկայում սակարկությունների տվյալները, գրում է ՌԻԱ Նովոստին։
Երկուշաբթի առավոտյան սակարկությունների ժամանակ թուրքական արժույթը նվազել է 1%-ով. Մոսկվայի ժամանակով ժամը 10:15-ի դրությամբ` փոխարժեքը 1 դոլարի դիմաց կազմել է 13,83 լիրա։
Թուրքական արժույթը, որը տարեսկզբին վաճառվում էր մեկ դոլարի դիմաց 7,4 լիրա փոխարժեքով, տարվա ընթացքում էժանացել է գրեթե 50%-ով՝ հասնելով 13,9-ի, իսկ նոյեմբերի 23-ին նվազել է 16%-ով։
Լիրայի օրական նման կտրուկ անկումն ամենաբարձրն է եղել վերջին 20 տարվա ընթացքում։ Դա տեղի է ունեցել այն բանից հետո, երբ նոյեմբերի 18-ին Թուրքիայի Կենտրոնական բանկը որոշում է կայացրել իջեցնել զեղչման տոկոսադրույքը 16%-ից մինչև 15%-ի, ինչից հետո երկրի նախագահ Թայիփ Էրդողանը հեռուստաուղերձում կրկին հանդես է եկել զեղչման տոկոսադրույքի նվազեցման օգտին՝ պնդելով, որ դա կհանգեցնի գնաճի նվազման։
Տաթև Ֆռանգյան
