18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
ԱՀԿ-ից պատմել են, թե ինչպես է COVID-19-ն ընթանում «օմիկրոն» շտամով վարակվածների մոտ
Քաղաքականություն
06.12.2021 | 13:45
Հիմքեր կան ենթադրելու, որ կորոնավիրուսի նոր՝ «օմիկրոն» շտամով վարակված հիվանդների մոտ COVID-19-ն ավելի թեթև ընթացք է ունենում։ Այս մասին հայտարարել է Առողջապահության համաշխարհային կազմակերպության (ԱՀԿ) արտակարգ հիվանդությունների բաժնի տեխնիկական խմբի ղեկավար Մարիա Վան Կերխովեն, գրում է ՌԻԱ Նովոստին։
Ավելի վաղ ԱՀԿ-ն հայտնել էր, որ նոր շտամից մահվան դեպքեր դեռևս չեն գրանցվել։
«Նախնական տվյալները ցույց են տալիս, որ մարդիկ, ովքեր վարակվել են «օմիկրոն» շտամով, հակված են ավելի հեշտությամբ տանել հիվանդությունը, բայց դրա մասին խոսելը դեռ վաղ է»,- ասել է Վան Կերխովեն CBS-ի եթերում:
Նա բացատրել է, որ դա կարող է պայմանավորված լինել հիվանդների վարակման վաղ փուլով:
«Կարող է մի քանի շաբաթ տևել, մինչև մենք իսկապես հասկանանք, թե այդ անհատներից (նոր շտամով վարակված) քանիսի մոտ կզարգանա լուրջ հիվանդություն»,- նշել է փորձագետը։
Վան Կերխովեն կարծում է, որ ավելի մեծ թվով հոսպիտալացումները կարող են հանգեցնել մահացության աճի։
«Մենք չենք ցանկանում, որ դա տեղի ունենա աշխարհով մեկ «դելտայի» տարածման՝ առանց այն էլ բարդ իրավիճակի ֆոնին»,- եզրափակել է փորձագետը՝ ընդգծելով վարակի տարածման դեմ պայքարի միջոցառումների կարևորությունը։
Տաթև Ֆռանգյան
