24.04.2026 | 23:32
Կապանում ջրանջատում կլինի
Մյանմայում 4 տարվա ազատազրկման է դատապարտվել ռազմական հեղաշրջման արդյունքում իշխանությունից հեռացված Աուն Սան Սու Չժին
Քաղաքականություն
06.12.2021 | 12:14
Երկուշաբթի Մյանմայի դատարանը երկրի նախկին պետական խորհրդական Աուն Սան Սու Չժիին չորս տարվա ազատազրկման է դատապարտել՝ հասարակական անկարգություններ հրահրելու և սանիտարական չափանիշները խախտելու համար, գրում է Euronews-ը։
2021 թվականի փետրվարին Մյանմայում զինվորականները մեկ տարով արտակարգ դրություն հայտարարեցին և երկրի ղեկավարությանը հեռացրին։ Բանակի ներկայացուցիչները դա պայմանավորում էին լայնածավալ կեղծիքներով, որոնք, նրանց խոսքով, ուղեկցել են 2020 թվականի նոյեմբերին կայացած համընդհանուր խորհրդարանական ընտրությունները։
Հոկտեմբերի վերջին Աուն Սան Սու Չժիի օգնական Վին Թեինը դատապարտվել է 20 տարվա ազատազրկման՝ պետական դավաճանության մեղադրանքով։
Մինչ երկրում ռազմական հեղաշրջումը՝ Նոբելյան մրցանակակիր Աուն Սան Սու Չժին փաստացի կատարել է երկրի վարչապետի պարտականությունները։ Պուտչից հետո նրան մեղադրել են կաշառք ստանալու, ներմուծման և արտահանման օրենքների, բնական աղետների հետևանքների վերացման և պետական գաղտնիք չհրապարակելու մասին օրենքները խախտելու մեջ։ Նա նաև մեղադրվում է ապստամբություն հրահրելու մեջ։
Տաթև Ֆռանգյան
