29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Արժութային ճգնաժամի իրավիճակում Թուրքիայի ընդդիմությունը հորդորել է սուպերմարկետներին 10 հիմնական ապրանքները չթանկացնել
Քաղաքականություն
03.12.2021 | 23:30
Թուրքիայի գլխավոր ընդդիմադիր Ժողովրդահանրապետական կուսակցությունը սուպերմարկետներին հորդորել է չբարձրացնել 10 հիմնական ապրանքների գները՝ նշելով, որ իրենց կուսակցությունը կփոխհատուցի ֆինանսական կորուստները՝ հաջորդ ընտրություններում իշխանության գալու դեպքում, գրում է Duvar-ը։
Կուսակցության ղեկավար Քեմալ Քըլըչդարօղլուն սուպերմարկետների սեփականատերերին ուղղված իր նամակը հրապարակել է սոցիալական ցանցերի իր էջերում։
«Ինչպես խոստացել եմ՝ կիսվում եմ նամակով՝ ուղղված սուպերմարկետների սեփականատերերին և ղեկավարներին։ Մենք կփոխհատուցենք այն ֆինանսական կորուստները, որոնք կպատճառի այս զոհաբերությունը, որը ես խնդրում եմ ձեզանից»,- գրել է Քըլըչդարօղլուն իր նամակում։
Նա նշել է այն 10-ը հիմնական ապրանքները, որոնք անվանել է կենսական ապրանքներ․ ալյուր, ձեթ, կաթ, ցորեն, մակարոնեղեն, ոսպ, պանիր, ձու, աղ և բանջարեղեն՝ կախված եղանակից։
Թուրքիայում արժույթի ճգնաժամի ֆոնին սպասվում է, որ գների նոր բարձրացումն ավելի ցավոտ է լինելու։ Ազգային արժույթի արժեզրկումից տուժում են ոչ միայն ցածր եկամուտ ունեցող ընտանիքները, այլև միջին խավը:
Նախագահ Ռեջեփ Թայիփ Էրդողանն էլ, հրաժարվելով լիրայի անկման համար պատասխանատվություն կրելուց, անցյալ շաբաթ ասել էր, որ երկիրը գտնվում է «տնտեսական անկախության պատերազմի մեջ»։
Էմմա Չոբանյան
