19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
Բաքվում ԱՄՆ դեսպանատունը մտահոգ է Ադրբեջանի իշխանությունների՝ ընդդիմադիրների նկատմամբ բռնությունների կապակցությամբ
Քաղաքականություն
03.12.2021 | 21:20
Ադրբեջանում ԱՄՆ դեսպանատունը հայտարարություն է տարածել ոստիկանության կողմից դեկտեմբերի 1-ին Բաքվում անցկացված ընդդիմադիրների բողոքի ցույցը բռնության ցրելու առնչությամբ։
«Մենք խորապես մտահոգված ենք Բաքվում դեկտեմբերի 1-ին խաղաղ ցուցարարների դեմ կիրառված բռնության կապակցությամբ և աջակցում ենք խաղաղ հավաքների և խոսքի ազատության իրավունքին, որն ամրագրված է Ադրբեջանի Սահմանադրության մեջ»,- ասվում է դեսպանատան թվիթերյան գրառման մեջ։
Հիշեցնենք, որ Բաքվում ոստիկանությունը բռնություն էր կիրառել և ցրել Շատրվանների հրապարակում անցկացվող խաղաղ ակցիան՝ Գեդաբեկի շրջանի նախկին ղեկավար Սալեհ Ռուստամովին ազատ արձակելու պահանջով, որը գրեթե մեկ ամիս հացադուլ է իրականացնում։
Ոստիկանները բռնություն էին գործադրել ակցիաների մասնակիցների նկատմամբ, այդ թվում՝ կանանց։ Շուրջ 40 մարդ է ձերբակալվել։ Ոստինականությունում էլ առանձնակի դաժան ծեծի ու խոշտագումների էին ենթարկվել մի շարք ընդդիմադիր գործիչներ։
Էմմա Չոբանյան
