17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ուկրաինան ԱՄՆ-ից երկու ատոմային ռեակտոր կգնի
Քաղաքականություն
03.12.2021 | 20:10
Ուկրաինայի «Էներգոատոմը» ամերիկյան Westinghouse-ից վարկով կգնի ատոմակայանների երկու ռեակտորներ, գրում է «Զերկալո նեդելին»։
«Westinghouse-ը պետք է վաճառի ԱՄՆ-ում անհաջող շինարարությունից մնացած AR-1000 ռեակտորների սարքավորումների երկու հավաքածու: Պայմանագրի պայմանների համաձայն՝ ընկերությունը պետք է դա անի մինչև 2025 թվականը, գերադասելի է՝ ավելի բարձր գնով: Հենց դրանով էլ զբաղված են։ Պատրաստվում են այդ համակարգերն ուղարկել Խմոլնիցկի ԱԷԿ»,- ասված է հոդվածում։
Պարբերականի տվյալներով՝ ռեակտորները մոտ հինգ տարի «անգործ պառկած են» եղել և գնման դեպքում կշարունակեն նույնքան մնալ։ Լրատվամիջոցների գնահատականներով՝ «Էներգոատոմը» և Westinghouse-ը բավարար միջոցներ չեն ունենա ռեակտորներ կառուցելու համար, ուստի դրանք կկառուցվեն վարկային միջոցներով, այդ թվում՝ պետական երաշխիքներով։
Ընկերությունում այս տեղեկությունը չեն մեկնաբանել։
Տաթև Ֆռանգյան
