19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Բայրամովը կրկին պնդել է, թե ԼՂ հակամարտությունն ավարտված է
Քաղաքականություն
02.12.2021 | 20:17
Ադրբեջանի արտգործնախարար Ջեյհուն Բայրամովը Ստոկհոլմում ԵԱՀԿ արտգործնախարարների նիստում ունեցած ելույթում կրկին հայտարարել է, թե «ԼՂ հակամարտությունն ավարտված է»:
«Լեռնային Ղարաբաղի հակամարտությունը շուրջ 30 տարի անց ավարտվել է։ Ադրբեջանը սկսել է «ազատագրված» տարածքների վերակառուցումը»,- հայտարարել է Բայրամովը՝ նշելով, որ Բաքուն պետական բյուջեի հաշվին վերականգնում է ենթակառուվածները, մայրուղիներ ու օդանավակայաններ է կառուցում, վերականգնում է կրոնական ու մշակութային կառույցները։
Նա նշել է, որ ԵԱՀԿ-ն ու իր հետկոնֆլիկտային գործիքները կարող են նպաստել այս գործընթացին, սակայն մինչ օրս չեն արձագանքում Ադրբեջանի կոչերին։
«Հակամարտության ավարտը ՀՀ-ի և Ադրբեջանի համար եզակի հնարավորություն է ստեղծել՝ կառուցելու բարիդրացիական ու միջպետական հարաբերություններ՝ հիմնված փոխադարձ ինքնիշխանության և տարածքային ամբողջականության ու միջազգայնորեն ճանաչված տարածքների անփոփոխության վրա»,- հայտարարել է Ադրբեջանի արտգործնախարարը։
Անդրադառնալով, այսպես կոչված, «Զանգեզուրի միջանցքին»՝ ադրբեջանցի նախարարը նշել է, թե այն կարող է ծառայել տարածաշրջանում անշրջելի խաղաղությանը։
««Զանգեզուրի միջանցքի» հնարավորինս արագ շահագործումն անհրաժեշտ է ոչ միայն Ադրբեջանի ու Նախիջևանի միջև քաղաքացիական անձանց, ավտոմեքենաների ու բեռների անարգել տեղաշարժի համար, այն նաև այն կվերաբացի տրանսպորտային հաղորդակցությունները Ադրբեջանի ու Հայաստանի միջև և այդպիսով կծառայի անշրջելի խաղաղության հաստատմանը»,- հայտարարել է Բայրամովը։
Տաթև Ֆռանգյան
