30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ադրբեջանի Մշակույթի նախարարությունը մտադիր է Հայաստանի դեմ հայց ներկայացնել հուշարձանների հետ կապված
Քաղաքականություն
02.12.2021 | 14:41
Ադրբեջանի Մշակույթի նախարարությունը հայց է ներկայացնելու Հայաստանի դեմ՝ Արցախի գրավյալ տարածքներում, իբր, «հայերի կողմից ավերված հուշարձանների» կապակցությամբ։ Այս մասին ադրբեջանական «Ապա»-ին ասել է մշակույթի նախարար Անար Քերիմովը։
Նա ասել է, որ առաջին հերթին մոնիթորինգ պետք է իրականացվի Արցախի գարվյալ տարածքներում։
«Այդ հուշարձանների վիճակն ուսումնասիրելու համար պետք է մոնիթորինգ իրականացվի։ Այն պետք է արվի ոչ միայն մեր, այլև միջազգային կազմակերպությունների կողմից, որ արտացոլված տեղեկատվությունը լինի հավաստի։ Դրա համար մենք է ավարտենք մոնիթորինգի գործընթացը։ Այն բանից հետո, երբ ապացույցները հավաքվեն, համապատասխան հայցերը ներկայացվելու են միջազգային կազմակերպություններին»,- ասել է Քերիմովը։
Նա նշել է, որ գնահատման աշխատանքները դեռ որոշ ժամանակ կպահանջեն։
«Դա հեշտ գործ չէ։ Տարածքներն ականապատ են, եղանակային պայմանները երբեմն թույլ չեն տալիս աշխատանքներ իրականացնել։ Այսինքն՝ անվտանգության տեսակետից ամեն ինչ այնքան էլ լավ չէ, որ մենք կարողանանք մոնիթորինգն ավարտել։ Այդ պատճառով գնահատման գործընթացը դեռ որոշ ժամանակ կպահանջի»,- ասել է ադրբեջանցի նախարարը։
Քերիմովը չի նշել, սակայն, Հայաստան դեմ ո՞ր միջազգային ատյաններում են հայց ներկայացնելու, եթե նման հայցեր ընդհանրապես լինեն։
Արցախյան 44-օրյա պատերազմի ավարտից հետո Ադրեջանը մշտապես հայտարարում է, որ միջազգային ատյաններում տարբեր դատական հայցեր է ներկայացնելու Հայաստանի դեմ, սակայն դեռևս միայն հակընդդեմ հայցերով պատասխանում է Երևանի դիմումներին։ Հավելենք, որ Հայաստանն Ադրբեջանի դեմ հայցեր է ներկայացրել ՄԻԵԴ և ՄԱԿ-ի Արդարադատության միջազգային դատարան։
Էմմա Չոբանյան
