06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
WTA-ը չեղարկել է իր բոլոր մրցաշարերը Չինաստանում․ չինացի թենիսիստուհին նախկին վարչապետի կողմից սեռական բռնության մասին սկանդալային հայտարարությունից հետո անհետացել է
Քաղաքականություն
02.12.2021 | 13:15
Կանանց թենիսի ասոցիացիան (WTA) հայտարարել է Չինաստանում իր մրցաշարերն անհապաղ դադարեցնելու մասին։ Պատճառը չինացի թենիսիստուհի Պեն Շուայի ճակատագրի վերաբերյալ մտահոգությունն է, գրում է BBC-ի ռուսական ծառայությունը։
35-ամյա Շուայը երեք շաբաթ չի երևացել հանրությանն այն բանից հետո, երբ նոյեմբերի սկզբին չինական Weibo սոցիալական ցանցում հայտնել է, որ իրեն ստիպել են սեքսով զբաղվել Չժան Գաոլիի հետ, որը Չինաստանի վարչապետն է եղել 2013-2018 թվականներին: Գաոլին Չինաստանի նախագահ Սի Ցզինպինի մտերիմ ընկերն է, ականավոր կուսակցական գործիչ:
WTA-ի ղեկավար Սթին Սայմոնը հայտարարել է, որ լուրջ կասկածներ ունի, որ Պեն Շուայն ազատ չէ և նրան վախեցնում են:
«Ես չգիտեմ, թե ինչպես մաքուր խղճով կարող եմ խնդրել մարզիկներին՝ մասնակցել այս մրցաշարերին»,- ասել է նա:
WTA-ը բազմիցս կոչ է արել հետաքննել Պեն Շուայիի պնդումները:
Տաթև Ֆռանգյան
