18.12.2025 | 22:20
Վթար Ներքին Դվին գյուղում․ կան տուժածներ
ՆԱՏՕ-ն կարող է հավելյալ զորք տեղակայել Լատվիայում
Քաղաքականություն
02.12.2021 | 12:57
ՆԱՏՕ-ն, անհրաժեշտության դեպքում, կարող է Լատվիայում տեղակայել մինչև 40 հազար լրացուցիչ զորակազմ, իսկ Ուկրաինայի սահմանների մոտ ռուսական զորքերի կենտրոնացումից ամենավատն է սպասելի։ Այս մասին Ռիգայում ՆԱՏՕ-ի արտգործնախարարների հանդիպման ժամանակ հայտարարել է դաշինքի գլխավոր քարտուղար Յենս Ստոլտենբերգը, գրում է BBC-ի ռուսական ծառայությունը։
«Մենք տեսնում ենք ծանր սպառազինություն, հրետանի, զրահատեխնիկա, անօդաչու թռչող սարքեր և էլեկտրոնային պատերազմի համակարգեր: Եվ տասնյակ հազարավոր մարտունակ զորքեր։ Մենք գիտենք Ռուսաստանի գործելակերպը, նա ուժ է կիրառել Եվրոպայի հարեւանների նկատմամբ՝ Վրաստանի, Ուկրաինայի, նրանք զորքեր ունեին Մոլդովայում: Իհարկե, պետք է գնահատել հավանականությունը, որ Ռուսաստանը կրկին ուժ կկիրառի»,- ասել է ՆԱՏՕ-ի գլխավոր քարտուղարը:
Լատվիայում ԱԳ նախարարների հանդիպումը տեղի է ունեցել ՆԱՏՕ-ի նոր ռազմավարական հայեցակարգի հաստատման նախօրեին, որը չի թարմացվել 2010 թվականից։ Միջոցառման հիմնական հարցերը, սակայն, եղել են Ուկրաինայի հետ սահմանին ռուսական զորքերի կենտրոնացումը և ԵՄ երկրների ու Բելառուսի սահմանին միգրացիոն ճգնաժամը։
Տաթև Ֆռանգյան
