24.04.2026 | 23:32
Կապանում ջրանջատում կլինի
Արտակարգ եղանակային պայմաններ Մոսկվայում և ամբողջ ՌԴ-ում․ տապալված ծառեր, վնասված ավտոմեքենաներ ու չեղարկված թռիչքներ․ ԼՈՒՍԱՆԿԱՐՆԵՐ
Քաղաքականություն
01.12.2021 | 21:25
Մոսկվայում օրացուցային աշունն ավարտվել է ջենովական Բենեդիկտոս ցիկլոնի ժամանումով։ Նոյեմբերի 30-ին ամսական տեղումների մոտ 40%-ը բաժին է ընկել Ռուսաստանի մայրաքաղաքին, իսկ դեկտեմբերի 1-ին մայրաքաղաքում հայտարարվել է եղանակային վտանգի դեղին մակարդակ։ Արտակարգ եղանակային պայմաններ են դիտվել նաև հանրապետության այլ շրջաններում։ Վատ եղանակի պատճառով 13 շրջաններում առանց էլեկտրականության է մնացել ավելի քան 90 հազար մարդ, գրում է BBC-ի ռուսական ծառայությունը։
Սրանք ամենաառատ տեղումներն են վերջին 69 տարվա ընթացքում։ Ծայրահեղ եղանակային պայմաններ են նկատվել ոչ միայն Ռուսաստանի մայրաքաղաքում, այլև Հեռավոր Արևելքում և Ղրիմում։ Իսկ Սանկտ Պետերբուրգում ձյունը սկսվել է Մոսկվայից մեկ օր շուտ։
Սպասսկոյե-Լուտովինովո արգելոց-թանգարանում անգամ հայտնի Տուրգենևյան կաղնին, որի 200-ամյակը չի լրացել, ուժեղ քամու զոհ է դարձել։
Նոյեմբերի 30-ի գիշերը և առավոտյան Մոսկվայում նախ տեղացել են ինտենսիվ անձրևներ, իսկ հետո՝ ձյուն։ Եղանակային պայմանները մեգապոլիսում լուրջ խցանումներ են առաջացրել՝ մինչև ինը բալ։
Մոսկվայի կենդանաբանական այգին ժամանակավոր փակման մասին է հայտարարել։ Քամու հետևանքով տապալվել է գրեթե 160 ծառ, վնասվել է մոտ 90 մեքենա։ Ավելի քան 40 չվերթ հետաձգվել կամ չեղարկվել է Մոսկվայի և Մոսկվայի շրջանի օդանավակայաններում, հայտարարվել է վտանգի դեղին մակարդակ։
Տաթև Ֆռանգյան
