23.04.2026 | 17:09
Գործադիրն առաջարկում է 16 տարին լրացած անձանց համար նույնականացման քարտ ունենալը դարձնել պարտադիր
Մենք պետք է կենտրոնանանք ռազմագերիների խնդրի վրա․ եվրապատգամավոր․ ՏԵՍԱՆՅՈՒԹ
Քաղաքականություն
01.12.2021 | 14:09
Ֆրանսիացի լրագրող Բերնարդ Գրետտան, որը 2019 թվականին ընտրվել է Եվրախորհրդարանի պատգամավոր, Եվրախորհրդարանում Արցախյան 44-օրյա պատերազմի վերաբերյալ կարծիքների փոխանակման ժամանակ հայտարարել է, որ ԵՄ-ն պետք է կենտրոնանա ռազմագերիների ու ականների խնդրի վրա։
«Ես ատում եմ այն, ինչ հիմա ասում եմ, և դուք էլ կարող եք ինձ ատել, որ սա ասում եմ, սակայն այս հակամարտության հարցում մենք չափազանց փոքր նշանակություն ենք տալիս մեր ներգրավվածությանը։ Ինչպես մյուս ելույթ ունեցողները՝ ես նույնպես խորհուրդ եմ տալիս կենտրոնանալ ռազմագերիների ու ականների խնդրի վրա։ Դա մեզ հնարավորություն կտա խնդրել Ադրբեջանին ու Հայաստանին՝ անել ինչ-որ բան»,- հայտարարել է պատգամվորը՝ նշելով, որ այս հակամարտության արմատները գնում են դեպի Խորհրդային միության տարիներ։
Նա նշել է նաև, որ հակամարտության լուծմանը հասնելու համար բանակցությունների սեղանին պետք է դրվի ոչ միայն Լեռնային Ղարաբաղի, այլ նաև Նախիջևանի հարցը։
Մանրամասները՝ տեսանյութում։
Տաթև Ֆռանգյան
