18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Զախարովան՝ ՌԴ-ի և Ուկրաինայի միջև ճգնաժամի կարգավորման հարցում Թուրքիայի հնարավոր միջնորդության մասին
01.12.2021 | 14:14
Թուրքիայի որևէ միջնորդական դերի մասին խոսք չի գնում Ուկրաինայի արևելքում հակամարտության կարգավորման գործում։ Այս մասին հայտարարել է ճեպազրույցի ընթացքում ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Թուրքիայի նախագահ Ռեջեփ Թայիփ Էրդողանի հայտարարությունը, որ Անկարան պատրաստ է միջնորդ դառնալ ՌԴ-ի և Ուկրաինայի միջև Դոնբասում իրավիճակի կարգավորման համար, գրում է ՏԱՍՍ-ը։
«Ռուսաստանի և Ուկրաինայի միջև Թուրքիայի որևէ միջնորդական դերի մասին խոսք լինել չի կարող ներուկրաինական հակամարտության կարգավորման գործում»,- ասել է Զախարովան։
Նա հավելել է, որ Ռուսաստանն այդ հակամարտության կողմ չի հանդիսանում։
«Մենք, իհարկե, երախտապարտ ենք թուրքական կողմին, մասնավորապես, Թուրքիայի նախագահին՝ ներուկրաինական հակամարտության կարգավորմանը նպաստելու ձգտման համար։ Այդ ուղղությամբ կարևոր քայլ կարող է լինել ներդրումը՝ համոզելու ուկրաինական իշխանություններին՝ հրաժարվել Դոնբասի նկատմամբ ագրեսիվ ծրագրերից ու վերջապես սկսել իրականացնել Մինսկյան պայմանավորվածությունները Դոնեցկի և Լուգանսկի ներկայացուցիչների հետ ուղիղ երկխոսության միջոցով»,- ասել է Մարիա Զախարովան։
Էմմա Չոբանյան
