12.12.2024 | 17:40
Սիրիական բանտում 7 ամիս պահված ԱՄՆ քաղաքացի է հայտնաբերվել․ ՏԵՍԱՆՅՈՒԹ
Դիմակ չկրելու համար վարչապետին կամ ԱԺ նախագահին տուգանելու լիազորություն չունենք. Արթուր Ասոյան․ ՏԵՍԱՆՅՈՒԹ
01.12.2021 | 12:45
Կարգավորումները մշակման փուլում են, երբ որ վրջնական տեսքի կբերվեն, այդ ժամանակ արդեն հստակ կլինի, թե ում ինչ վերահսկողական գործառույթներ բաժին կհասնեն՝ հաշվի առնելով, որ վերհսկողություն իրականացվում է ոչ միայն տեսչական մարմինների, այլ նաև ոստիկանության կողմից, որոշակի պարտականություններ ունեն նաև տնտեսվարողները: ԱԺ-ում լրագրողների հետ զրույցում այս մասին ասաց Տեսչական մարմինների աշխատանքների համակարգման գրասենյակի ղեկավար Արթուր Ասոյանը՝ պատասխանելով հարցին, թե ինչպե՞ս են վերահսկելու, որ քաղաքացիները հանրային սննդի վայրեր մտնելիս պահպանեն պահանջվող կանոնները։
«Չեմ ուզում մոտավոր պատասխաններ տալ ու ասել, թե այս կամ այն ձևով է դա իրականացվելու, և վաղը պարզվի, որ մեկ այլ ձևով է իրականացվելու։ Կարգավորումները մշակման փուլում են։
Բոլոր պարագաներում մենք նախևառաջ ապավինում ենք մեր քաղաքացիների ողջամտությանը, տնտեսվարողների բարեխղճությանը, իհարկե, կիրառելով սահմանափակող միջոցները ու վարչական պատասխանատվությունը:
Դիտարկմանը, որ դիմակների կրման պահանջ կա, սակայն այդ պահանջի կատարումը գրեթե զրոյական մակարդակի վրա է, Ասոյանը պատասխանեց. «Նույնիսկ տոտալ վերահսկողության պայմաններում հնարավոր չէ ապահովել անվտանգության այն ցանկալի մակարդակը, որն ակնկալում ենք, որովհետև կա անձնական պատասխանատվության հարց՝ անկախ սահմանված կանոններից»:
Շարքային քաղաքացիները թիրախավորվում են, բայց, օրինակ, խորհրդարանում պատգամավորներից շատերը դիմակ չեն կրում: Անդրադառնալով այս դիտարկմանը՝ Ասոյանը նշեց. «Կարծում եմ ոստիկանությունը հետևողականորեն է այդ հարցերին արձագանքում, մենք ֆիզիկական անձանց նկատմամբ պատասխանատվության միջոց չենք կիրառում, լիազորություն չունենք»:
Մանրամասները՝ տեսանյութում:
