22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ալիևը Պակիստանի ռազմարդյունաբերության նախարարի հետ քննարկել է Բաքու-Անկարա-Իսլամաբադ համագործակցության ձևաչափի ընդլայնումը
Քաղաքականություն
30.11.2021 | 20:12
Ադրբեջանի նախագահ Իլհամ Ալիևն այսօր ընդունել է Պակիստանի ռազմարդյունաբերության նախարար Զուբեյդա Ջալալին, գրում են ադրբեջանական լրատվամիջոցները։
Ալիևը համոզմունք է հայտնել, որ ադրբեջանա-պակիստանյան համատեղ միջկառավարական հանձնաժողովի նիստը կնպաստի տնտեսական համագործակցության ընդլայնմանը, առևտրաշրջանառության ավելացմանը։ Նա նաև նշել է, որ Բաքուն ուրախ կլինի տեսնել պակիստանյան ընկերություններին օտարերկրյա ընկերությունների շարքում, որոնք մասնակցում են Արցախի գրավյալ տարածքների վերկանգնմանը։
Ջալալն իր հերթին է վստահություն հայտնել, որ համատեղ նիստը կծառայի Բաքվի և Իսլամաբադի միջև կապերի ընդլայնմանը։
«Զրույցի ընթացքում ընդգծվել է բոլոր ոլորտներում համագործակցության ընդլայնման կարևորությունը, այդ թվում՝ առևտրի, էներգետիկայի, տրանսպորտի, տուրիզմի, կրթության ու ռազմատեխնիկական ոլորտներում։ Կողմերը մտքեր են փոխանակել տարբեր ուղղություններով Ադրբեջան-Պակիստան-Թուրքիա եռակողմ համագործակցության ձևաչափի հետագա ընդլայնման շուրջ»,- ասվում է տարածված հաղորդագրության մեջ։
Էմմա Չոբանյան
