26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Թուրքիայում ավազե փոթորիկները շղթայական ավտովթարներ են առաջացրել․ կան զոհեր ու վիրավորներ․ ԼՈՒՍԱՆԿԱՐՆԵՐ
Քաղաքականություն
30.11.2021 | 19:52
Թուրքիայում ավազե փոթորիկներ են, որոնց հետևանքով մի շարք շրջաններում դժվարացել է երթևեկությունը, հայտնում են թուրքական լրատվամիջոցները։
Մասնավորապես, հաղորդվում է, որ ավազե փոթորիկ է Քոնյա-Անկարամայուղում։ Այստեղ շղթայական վթար է տեղի ունեցել բազմաթիվ մեքենաների մասնակցությամբ։ Քոնիայում տեսանելիությունը հասել է մեկ մետրի։
Նշվում է, որ փոթորկի հետևանքով բազմաթիվ մեքենաներ ներգրավվել են շղթայական վթարների մեջ, տուժած 8 հոգի տեղափոխվել է Քոնիայի եւ Ջիհանբեյլի հիվանդանոցներ։ Վիրավորներից երկուսի վիճակը ծանր է։
Քոնյա-Աքսարայ ճանապարհին էլ, ըստ տեղեկությունների, վթարի հետևանքով երկու մարդ է զոհվել։
Ավազե փոթորիկը բազմաթիվ վթարների պատճառ է դարձել նաև Աքսարայ-Ադանա ավտոճանապարհին։ Այստեղ ճանապարհը փակ է։
Նիգդեում էլ մրրիկի պատճառով ժամանակավորապես փակվել են Բոր-Զենգեն և Չուքուրքույու ավտոճանապարհները։ Բոր-Զենգեն ճանապարհին, որտեղ տեսանելիությունը նվազել է, բեռնատար է շրջվել, 6 տրանսպորտային միջոց է բախվել։ Վթարի հետևանքով տուժել է 7 մարդ։
Նշենք, որ Թուրքիայի մի շարք շրջաններում ուժգին քամին բազմաթիվ ավերվածություններ է առաջացրել, հայտարարված է վտանգի բարձր մակարդակ։
ԷմմաՉոբանյան
