29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Թուրքական առաջին ատոմակայանի 4 էներգաբլոկների շինարարական աշխատանքները շարունակվում են
Քաղաքականություն
29.11.2021 | 23:30
Թուրքական առաջին՝ «Աքքույու» ատոմակայանի նախագծի շրջանակում շարունակվում է 4 էներգաբլոկի միաժամանակյա շինարարությունը, գրում է «Անադոլու» գործակալությունը։
«Երկու տարի հետո Մերսինը դառնալու է Թուրքիայի էներգետիկ դրախտը»,- հայտարարել է «Աքքույու նյուքլեար» ընկերության գլխավոր տնօրեն Անաստասիա Զոտեևան ատոմակայանի կառուցմանը նվիրված տեսակոնֆերանսի ընթացքում։
Նա կոնֆերանսին միացել է շինհրապարակից և նշել, որ տարածք կարող է այցելել յուրաքանչյուրը, ում հետաքրքիր է շինարարության ընթացքը։
«Ներկայում շինհրապարակում ներգրավված է 13 հազար մարդ։ Աշխատանքը եռում է։ Ակտիվ աշխատանքի մեջ անցկացրած ամեն օրը Թուրքիան ավելի է մոտեցնում պատմական պահին։ Դա 2023 թվականն է, երբ առաջին էներգաբլոկը շահագործման կհանձնվի։ Հիմա ընթանում են միաժամանակ 4 էներգաբլոկի շինաշխատանքները»,-ասել է նա՝ հավելելով. «Մեր ԱԷԿ-ն ամուր, անվտանգ և ժամանակակից օբյեկտ է: Զարմանալի չէ, քանի որ կայանի շինարարությունը համատեղ իրականացնում են 75 տարվա փորձ ունեցող ռուս միջուկային գիտնականները և հյուրընկալ, պրոֆեսիոնալ և փորձառու թուրք շինարարները։ Շինարարության մեջ ներգրավված աշխատողների ավելի քան 80 տոկոսը Թուրքիայի քաղաքացիներ են»։
Թուրքական առաջին «Աքքույու» ատոմակայանի նախագիծը ներառում է չորս էներգաբլոկ։ Առաջին էներգաբլոկը նախատեսվում է շահագործման հանձնել 2023 թվականին, մնացածը՝ մինչև 2026 թվականի վերջին։ Այս ատոմակայանի կառուցման ծրագիրը Ռուսաստանի ու Թուրքիայի ամենամեծ համատեղ նախագիծն է։
Էմմա Չոբանյան
