10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Էրդողանը հրամայել է հետաքննել լիրայի պատմական անկումը
Քաղաքականություն
29.11.2021 | 23:05
Թուրքիայի նախագահ Ռեջեփ Թայիփ Էրդողանը հրամայել է հետաքննել ազգային արժույթի հնարավոր մանուպլյացիաները, երբ լիրան դոլարի նկատմամբ ռեկորդային արժեզրկվեց, գրում է «Duvar»-ը։
Մասնավորապես, Էրդողանը հանձնարարել է Պետական վերահսկիչ պալատին, որը նախագահականին է ենթարկվում, պարզել այն հաստատությունների ցանկը, որոնք մեծ քանակությամբ օտար արժույթ են գնել, և բացահայտել՝ արդյո՞ք որևէ մանիպուլյացիա տեղի ունեցել է։
Կառույցի ղեկավար Յունուս Արընջըն և իր թիմը պետք է զեկույց կազմեն հետաքննության հիման վրա և ուղարկեն համապաստախան ինստիտուտներին, եթե քրեորեն հետապնդելի որևէ գործողություն բացահայտեն։
Նշենք, որ թուրքական լիրան նախորդ շաբաթ պատմական անկում էր գրանցել Էրդողանի՝ տոկոսադրույքների իջեցման քաղաքականության պատճառով։ Ի դեպ, հրապարակային ելույթում Թուրքիայի նախագահն արտաքին ուժերին էր մեղադրել լիրայի պատմական արժեզրկման մեջ։ Բացի այդ, Էրդողանը հայտարարել է, որ Թուրքիան «տնտեսական անկախության պատերազմ է» մղում և ճնշումների չի ենթարկվի քաղաքականությունը փոխելու առումով։
Էմմա Չոբանյան
