17.07.2026 | 09:48
Նավթի գներն աճել են
Փաշինյանի աղջկա գործով բացարկ չհայտնելու համար՝ ԲԴԽ-ն որոշեց դատավոր Նախշքարյանի նկատմամբ խիստ նկատողություն կիրառել
Հասարակություն
29.11.2021 | 15:48
Բարձրագույն դատական խորհրդի կողմից Երևան քաղաքի ընդհանուր իրավասության դատարանի դատավոր Զարուհի Նախշքարյանին խիստ նկատողություն հայտարարվեց։
Հիշեցնենք, որ դատավորին կարգապահական պատասխանատվության ենթարկելու միջնորդություն էր ներկայացրել Արդարադատության նախարարությունը։
Երևանի ընդհանուր իրավասության դատարանի դատավոր Զարուհի Նախշքարյանի նկատմամբ կարգապահական վարույթ է հարուցվել՝ Նիկոլ Փաշինյանի դստեր՝ Շուշան Փաշինյանն ընդդեմ Նարեկ Սամսոնյանի գործով ինքնաբացարկ չհայտնելու համար։ ՀՀ արդարադատության նախարարությունը վարույթ է հարուցվել՝ Փաշինյանների փաստաբան Գևորգ Գյոզալյանի ներկայացրած հաղորդման հիման վրա։
Ըստ միջնորդության հիմնավորման՝ դատավորի կողմից թույլ են տրվել «ՀՀ քաղաքացիական դատավարության օրենսգրքի» 121-րդ հոդվածի 2-րդ մասի 3-րդ կետում, 125-րդ հոդվածի 1-ին մասում, 127 հոդվածի 1-ին մասում ամրագրված պահանջների, «ՀՀ դատական օրենսգիրքի» 69-րդ հոդվածի 1-ին մասի 1-ին կետում, 70-րդ հոդվածի 2-րդ մասի 3-րդ կետում ամրագրված վարքագծի կանոնների խախտումներ:
Ռոզա Վարդանյան
