31.03.2026 | 17:43
Նորաշենում կասեցվել է հանրային սննդի օբյեկտի գործունեությունը
Բժիշկները Սաակաշվիլիի մոտ սթրեսային խանգարում են ախտորոշել
Քաղաքականություն
28.11.2021 | 21:59
Բժիշկների կոնսիլիումը Վրաստանի նախկին նախագահ Միխեիլ Սաակաշվիլիի մոտ հետվնասվածքային սթրեսային խանգարում է ախտորոշել: Այս մասին լրագրողներին հայտնել է կոնսիլիումի ղեկավար Մարիամ Ջիշկարիանին, փոխանցում է ՏԱՍՍ-ը։
«Նախնական արդյունքներով, որոնց մասին մենք կարող ենք արդեն խոսել, հիվանդի մոտ հաստատվում է հետտրավմատիկ սթրեսային խանգարման համախտանիշ, ինչը կապված է բանտում գտնվելու և բռնության փաստերի հետ»,- պատմել է Ջիշկարիանին:
Բացի այդ, հիվանդն ունի նյարդաբանական ախտանիշներ. «Դուք գիտեք, որ խոսքը նաև Վերնիկի էնցեֆալոպաթիայի մասին է, ինչը հացադուլի հետևանք է», — հավելել է բժիշկը:
Նրա խոսքով՝ նախկին նախագահը ստացիոնար բազմամասնագիտական վերականգնողական բուժման կարիք ունի։
Սահակաշվիլին Վրաստան է վերադարձել մունիցիպալ ընտրությունների առաջին փուլից առաջ, ինչից հետո ձերբակալվել է և բանտարկվել։ Նախկին առաջնորդը հացադուլ է հայտարարել հոկտեմբերի 1-ին կալանավորվելուց հետո, քանի որ իրեն համարում է քաղաքական բանտարկյալ։ Նոյեմբերի 20-ին նրան Թբիլիսիի ծայրամասում գտնվող բանտային հիվանդանոցից տեղափոխել են Գորիի զինվորական հոսպիտալ, որտեղ նա հայտնվել էր նոյեմբերի 8-ին:
Նա հեռակա կարգով դատապարտվել է 6 տարվա ազատազրկման՝ բանկիրի սպանության և պատգամավորին ծեծելու գործերով։
