16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Իրանը, Ադրբեջանը և Թուրքմենստանը համաձայնագիր են ստորագրել գազի տարանցման մասին
28.11.2021 | 20:59
Իրանը, Ադրբեջանն ու Թուրքմենստանն Աշխաբադում կնքել են գազի տարանցման մասին եռակողմ համաձայնագիր։ Ինչպես հաղորդում է հեռուստառադիոհաղորդումների IRIB կորպորացիան, ստորագրումը տեղի է ունեցել Իրանի և Ադրբեջանի նախագահներ Էբրահիմ Ռայիսիի և Իլհամ Ալիևի ներկայությամբ:
Համաձայն պայմանավորվածության՝ ամեն տարի Թուրքմենստանից Ադրբեջան Իրանի տարածքով 1,5-2 միլիարդ խորանարդ մետր գազ է մատակարարվելու։
Նոյեմբերի 21-ին Իրանի նավթի նախարար Ջավադ Օուջին հայտարարել էր, որ Ադրբեջանի փոխվարչապետ Շահին Մուստաֆաևի հետ բանակցությունների ընթացքում պայմանավորվածություն է ձեռք բերվել Իրանի տարածքով Ադրբեջան հարևան երկրներից, այդ թվում՝ Թուրքմենստանից, գազ մատակարարելու մասին: Նա նաև նշել է, որ Թեհրանն ու Բաքուն առաջիկա շաբաթներին կարող են համաձայնագիր ստորագրել Կասպից ծովում նավթագազային հանքավայրերի համատեղ շահագործման մասին:
