17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Կիևի օդանավակայանում կեղծ անձնագրերով 5 հայ են հայտնաբերել
28.11.2021 | 20:25
Սահմանապահները Կիևի «Բորիսպոլ» օդանավակայանում հայտնաբերել են Հայաստանի հինգ քաղաքացիների, որոնք Ուկրաինայի քաղաքացիների արտասահմանյան անձնագրեր են ներկայացրել՝ կեղծիքի նշաններով: Корреспондент.net-ի փոխանցմամբ՝ այս մասին նոյեմբերի 28-ին հայտնում է Պետական սահմանապահ ծառայությունը։
Նշվում է, որ երբ սահմանապահները ստուգում էին Կիև-Բարսելոնա չվերթի ուղևորների փաստաթղթերը, հինգ հայեր ներկայացրել են Ուկրաինայի քաղաքացիների արտասահմանյան անձնագրերը: Փաստաթղթերում հայտնաբերվել են մասնակի կեղծման նշաններ։
Իրավապահները պարզել են, որ երեք մեծահասակ և երկու երեխա Կիև-Թբիլիսի չվերթով Ուկրաինայից դուրս գալու համար հատել են պետական սահմանը Հայաստանի իրական արտասահմանյան անձնագրերով: Բայց սպասասրահում գտնվելուց հետո նրանք ընտրել են մեկ այլ չվերթ, որտեղ փորձել են նստել այլ անձնագրային փաստաթղթերով։
Հայերն Ուկրաինայում կեղծ անձնագրեր ձեռք են բերել անհայտ անձից 10 հազար դոլարով։
Հայաստանի քաղաքացիներն արդեն ենթարկվել են վարչական պատասխանատվության, նրանց արգելել են երեք տարի մուտք գործել Ուկրաինա։
