Քաղաքականություն
26.11.2021 | 22:28
Հայաստանի, ՌԴ-ի և Ադրբեջանի փոխվարչապետները եռակողմ աշխատանքային խմբի շրջանակում հաջորդ շաբաթ կհավաքվեն Մոսկվայում։ Այս մասին հայտնեց ՌԴ նախագահ Վլադիմիր Պուտինը Հայաստանի և Ադրբեջանի ղեկավարների հետ եռակողմ հանդիպման արդյունքներով լրատվամիջոցների համար հայտարարության ժամանակ։
«Հաջորդ շաբաթ նրանք հավաքվելու են Մոսկվայում՝ որոշ արդյունքներ ամփոփելու ու հայտարարելու որոշումների մասին, որոնք մենք այսօր համաձայնեցրել ենք»,-ասաց Պուտինը՝ նշելով, որ պայմանավորվածությունները, որոնք ձեռք են բերվել, զարգանալու են դրական հունով ամենամոտ ապագայում։
Նրա խոսքով՝ հանդիպումն օգտակար էր և ժամանակին։
«Մենք հավաքվել ենք՝ թույլ չտալու որևէ ողբերգական իրադարձություններ սահմանին և երկու երկրների ու ժողովուրդների միջև, նրա համար, որ գնանք առաջ։ Դրանում շահագրգռված են տարածաշրջանի բոլոր երկրները»,- ասաց Պուտինը։
Էմմա Չոբանյան
