Քաղաքականություն
26.11.2021 | 22:06
Թուրքիայի նախագահ Ռեջեփ Թայիփ Էրդողանը լիրայի անկման մեջ մեղադրել է արտաքին ուժերին և հայտարարել, որ տոկոսադրույքների իջեցման քաղաքականությունը շարունակվելու է, գրում է ՌԻԱ Նովոստին։
«Տոկոսադրույքը ընկնում է։ Մենք մեր ժողովրդին, մեր ֆերմերներին չենք տա տոկոսադրույքների ճիրաններին։ Կան օտարերկրյա գործակալներ, որոնք մեզ վրա են հարձակվում, սակայն նրանք ինչ էլ անեն, մենք մեր տնտեսական ծրագրից չենք հրաժարվի»,- ասել է Էրդողանը Իզմիրում ելույթի ժամանակ։
Նշենք, որ թուրքական լիրան մեկ տարվա ընթացքում էժանացել է ավելի քան 40%-ով, իսկ երեքշաբթի նոր հակառեկորդ է սահմանել՝ մեկ դոլարի դիմաց 11,37 լիրայից հասնելով 13,21 լիրայի։ Այս ամենը տեղի է ունեցել այն բանից հետո, երբ Կենտրոնական բանկը Էրդողանի հրամանով իջեցրել է տոկոսադրույքը՝ 16%-ից մինչև 15%-ի։
Թուրքիայի բոլոր հիմնական ընդդիմադիր կուսակցությունների ղեկավարները մեղադրում են Էրդողանին անկոմպետենտության մեջ ու պահանջում արտահերթ ընտրություններ անցկացնել։
Էմմա Չոբանյան
