29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Էրդողանի կուսակցության փոխնախագահը հայտարարել է, թե ԱՄՆ-ը ձգտում է Թուրքիայի իշխող ուժին հեռացնել իշխանությունից
Քաղաքականություն
26.11.2021 | 23:08
Թուրքիայի իշխող «Արդարություն և զարգացում» կուսակցության բարձրաստիճան պաշտոնյան հայտարարել է, թե «ԱՄՆ-ը ցանկանում է ԱԶԿ-ին հեռացնել իշխանությունից»՝ տարածաշրջանում իրենց նպատակներին համապատասխան 2023 թվականի ընտրություններին ընդառաջ, գրում է Turkishminute-ը։
ԱԶԿ-ի փոխնախագահ Մեհմեթ Օզհասեքին, որը պատասխանատու է կուսակցության տեղական կազմակերպություններին համար, մասնավորապես, մեկնաբանել է 2023-ի ընտրությունները՝ դրանք անվանելով « Թուրքիայում երբևէ կայացած ընտրությունների մայր»։ Նա նման հայտարարություն է արել այն բանից հետո, երբ երկրի ընդդիմադիր կուսակցությունների առաջնորդները լիրայի ռեկորդային անկումից հետո իշխող ուժից կրկին սկսեցին պահանջել արտահերթ ընտրություններ անցկացնել։
Պնդելով, որ «ամբողջ աշխարհն» ուշադրությամբ հետևում է Թուրքիայի 2023 թվականի ընտրություններին՝ Օզհասեքին ասել է, որ «ԱՄՆ նախագահ Ջո Բայդենը բացահայտ կերպով թիրախավորել է Թուրքիայի նախագահ Ռեջեփ Թայիփ Էրդողանին իր նախընտրական քարոզարշավի ընթացքում»։
«Նա իր նախընտրական քարոզարշավն իրականացնում էր՝ հատուկ կենտրոնանալով Թուրքիայի վրա, քանի որ մենք ձախողել ենք ԱՄՆ-ի բոլոր պլաններն ու դավադրությունները Մերձավոր Արևելքում»,- հայտարարել է ԱԶԿ փոխնախագահը։
Նա նշել է, թե ԱՄՆ-ն պլաններ ունի իշխող ԱԶԿ-ին տապալել 2023 թվականի ընտրություններում, քանի որ նրանց տեսնում է որպես խոչընդոտ Մերձավոր Արևելքի հետ կապված իր ծրագրերի համար:
Հավելենք, որ Թուրքիայի իշխող կուսակցությունն ու նախագահ էրդողանը լիրայի արժեզրկման համար մեղադրում են «արտաքին ուժերին, որոնք տնտեսական հարձակում են սկսել երկրի դեմ»։
Էմմա Չոբանյան
