08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Սերժ Սարգսյանի 10 տարվա միակ նվաճումը ԼՂ-ում ստատուս-քվոյի պահպանումն էր, այն էլ շատ թանկ գնով. Արմեն Բաղդասարյան. ՏԵՍԱՆՅՈՒԹ
Քաղաքականություն
06.04.2018 | 14:59
Հայաստանի իշխանություններն էլ են այդ կոնցեպտին համաձայն, Ադրբեջանինն էլ, ուղղակի նրանք խաղաղության դիմաց շատ տարածքներ են ուզում, մենք խաղաղության դիմաց քիչ տարածքներ ենք պատրաստ տալ. այսօր «ԼՂ հակամարտությունը Սերժ Սարգսյանի 10 տարիներին. ո՞վ է պատասխան տալու հողային կորուստների համար» թեմայով հանրային քննարկմանն ասաց քաղաքագետ Արմեն Բաղդասարյանը:
«Պատերազմը հեկտարներով չեն հաղթում կամ հեկտարներով չեն պարտվում: Ալլ խնդիր է, որ 800 հա կորստից հետո հայկական կողմը պիտի անպայման հակահարված հասցներ ու նույնպիսի տարածքային ձեռքբերումներ ունենար: Ոչ թե նրա համար, որ այդ տարածքները շատ կարևոր են, այլ որպեսզի հակառակորդի մոտ արմատավորվեր այն գիտակցությունը, որ իրենք խնդրի ռազմական լուծում չունեն»,- ասաց նա՝ շեշտելով, որ սա էր հայկական կողմի սխալը, որը նրանց տեղիք տվեց մտածելու, որ, այնուամենայնիվ, խնդրին ռազմական լուծում տալու հնարավորություն կա:
Խոսելով Սերժ Սարգսյանի պաշտոնավարման տասը տարիներից ու այդ տարիների ընթացքում ԼՂ խնդրի կարգավորումից բանախոսը նկատեց, որ նպատակին՝ խաղաղ ճանապարհով լուծել խնդիրը, չենք հասել, դեռ ավելին, չենք էլ մոտեցել խնդրի լուծմանը. «Պահպանվել է ստատուս-քվոն, այն էլ շատ թանկ գնով, ու դա միակ նվաճումն է»:
Մանրամասները՝ տեսանյութում:
