10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
««Պեկա»-ն 2 հազար է, Մակարովը 1200» .հրապարակվեցին «Նորքի զինված խմբի» գործով հեռախոսազրույցները
Հասարակություն
06.04.2018 | 13:06
Նորքի զինված խմբի գործով դատական նիստն ընդմիջումից հետո շարունակվեց: Մեղադրողները հրապարակում էին գաղտնալսված հեռախոսազրույցների ձայնագրությունները: Խոսակցություններից լսելի էր, որ կողմերը զենքի ձեռքբերման համար գումարի չափ էին որոշում: Խոսակցությունն ընթանում էր ամբաստանյալներից Արթուր Հակոբյանի ու խմբի պարագլուխ Արթուր Վարդանյանի միջև ««Պեկա»-ն 2 հազար է, Մակարովը 1200, ՏՏ-ն 1400, փուչիկները` 90»,- ասում էր Արթուր Հակոբյանը:
Արթուր Վարդանյանն էլ ասաց, որ «Պեկա» է ուզում. ««Պեկա»-ն ուզում եմ բեր, էլ ի՞նչ կա, ի՞նչ ունես, տրուբեքից կա, երկու հատ ուզում եմ: Մակարովն ինչքա՞ն ասեցիր»:
Ձայնագրությունների հրապարակման ընթացքում Արթուր Վարդանյանի պաշտպան Լևոն Բարսեղյանը բողոքեց, թե պետք չէ զավեշտի վերածել գործընթացը, ապա նիստը հետաձգելու միջնորդություն ներկայացրեց «Արթուր Վարդանյանին բերման ենթարկելու օրվանից նա ասել է, որ իր մոտ հայտնաբերված զենքն իրեն է պատկանում և ինչի համար է պետք: Այդ ձայնագրությունները չգիտենք ինչն են հիմա ապացուցում: Իմ պաշտպանը վատառողջ է միջնորդություն ունեմ, որ բուժումն իրականացվի քաղաքացիական հիվանդանոցում: Նրա կյանքին վտանգ է սպառնում: Մեկ տարի է Արթուր Վարդանյանը բողոքում է բարձր ջերմությունից, ճնշման տատանումից, որովայնի ցավերից: Այնպես չստացվի մի գեղեցիկ օր էլ, մի առավոտ գանք ու պարզվի այս մարդը կյանքին հրաժեշտ տվեց, սկսենք ձեզ մեղադրել»,- ասաց փաստաբանը:
Դատական նիստը հետաձգվեց:
Լիլիթ Շաբոյան
