16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
«Նորքի զինված խմբի» պարագլուխ Արթուր Վարդանյանի համար շտապօգնություն հրավիրվեց. նիստն ընդմիջվեց
Հասարակություն
06.04.2018 | 12:04
Երևանի ընդհանուր իրավասության դատարանի Կենտրոնի նստավայրում, Արմեն Բեկթաշյանի նախագահությամբ մեկնարկեց «Նորքի զինված խմբի» գործով դատական նիստը:
Նիստը մեկնարկեց կես ժամ ուշացմամբ, ապա ընդմիջվեց, քանի որ պաշտպան Սյուզաննա Խչեյանը չէր եկել դատարան: Մյուս պաշտպանները ժամանակ խնդրեցին, որպեսզի նա կարողանա մասնակցել դատավարությանը: Ապա նաև դատարանին դիմեց ամբաստանյալ, զինված խմբի պարագլուխ Արթուր Վարդանյանը՝ նշելով, որ վատառողջ է և անհրաժեշտ է շտապօգնություն հրավիրել դատարան:
«Ինձ վատ եմ զգում, բարձր ջերմություն ունեմ, անալգին եմ ամեն օր խմում»,- ասաց ամբաստանյալը:
Դատավորի որոշմամբ նիստը 40 րոպեով ընդմիջվեց, որի ընթացքում պետք է փաստաբանը ներկայանա և շտապօգնությունը զննի Արթուր Վարդանյանին:
