Քաղաքականություն
23.11.2021 | 22:46«Այսօր էլ ենք ընտրանքի առաջ. մենք այսօր պիտի ասե՞նք՝ հրաժարվում ենք պայքարից: Այո՛, մեզ անընդհատ խփում են, ասում են՝ Զանգեզուրի միջանցք: Ի՞նչ Զանգեզուրի միջանցք: Ասում են՝ չտաք միջանցք, ուժով ենք բացելու: Արա՛, ո՞նց եք ուժով բացելու»,- այսօր կայացած մամուլի ասուլիսի ժամանակ նշեց վարչապետ Նիկոլ Փաշինյանը:
«Մեզ ասում են համաձայնվենք, որ քանի որ կարող են ուժով բացել, ուղղակի համակերպվենք, տանք: Հիմա մենք այսօր պետք է ասենք, ժողովուրդ ջան, եկեք միջանցքը տա՞նք: Մեզ դրա մեջ մեղադրում են: Իրականում մենք այսօր էլ չենք կարող և չենք ասում, որ պետք է պայքարից հրաժարվենք:
Այսօր Ադրբեջանն ասում է Լեռնային Ղարաբաղ բառն օգտագործելը, կարգավիճակի մասին խոսելը, սեփական իրավունքները պաշտպանելը վտանգավոր է Հայաստանի համար…
Մենք պարզ ասել ենք, որ Հայաստանը տարածքներ նվաճելու մտադրություն չունի: Ադրբեջանն ասում է ինքնիշխանությունը պաշտպանելը վտանգավոր է, դուք ուզում եք պետություն լինե՞ք, վտանգավոր է ձեզ համար: Եվ մենակ իրենք չեն ասում, կողքից Ադրբեջանին շատ քաջալերողներ կան՝ ամենատարբեր կողմերից: Բոլորը մեզ ուզում են համոզել, որ մենք պետություն չենք և պետք է հրաժարվենք պետություն լինելուց»,- նշեց վարչապետը:
Մանրամասները՝ տեսանյութում:
