16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մոռացե՞լ եք, որ սահմանային միջադեպերին նաև զոհեր են լինում. Քոչարյանը` Գեղարքունիքի դեպքի մասին․ ՏԵՍԱՆՅՈՒԹ
Քաղաքականություն
23.11.2021 | 11:47
Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի՝ Գեղարքունիքի մարզի Նորաբակ գյուղի հատվածում տեղակայված հայկական դիրքերի ուղղությամբ: ՀՀ ՊՆ-ն հաղորդագրություն տարածեց, որ մեկ զոհ ունենք:
ԱԺ պաշտպանության և անվտանգային հարցերի մշտական հանձնաժողովի նախագահ Անդրանիկ Քոչարյանը լրագրողների հետ զրույցում անդրադառնալով այս դիտարկմանը՝ նշեց. «Երևի մոռացե՞լ եք, որ սահմանային միջադեպերին նաև զոհեր ու վիրավորներ են լինում»:
Քոչարյանի հավաստմամբ՝ Գեղարքունիքում երեկ տեղի ունեցած միջադեպի հետևանքով դիրքային փոփոխություն տեղի չի ունեցել:
«Երբ որ գործողություններ են լինում հակառակորդի կողմից, պետք է իմանան, որ պատասխանը կստանան: Այս անգամ տեղի ունեցան լոկալ ռազմական գործողություններ, որի արդյունքում նրանք տեսան, որ ՀՀ ԶՈւ-ն կռվելու է: Ակնհայտ դարձավ նաև, որ հակառակորդն ունի բազմաթիվ զոհեր, տեխնիկայի կորուստ»,- նշեց Քոչարյանը:
Մանրամասները՝ տեսանյութում:
